14 oktyabr 2023-cü il tarixində Naxçıvan Muxtar Respublikası Maliyyə Nazirliyində Ali Baş Komandan İlham Əliyevin ilk dəfə Azərbaycan Respublikasının Prezidenti seçilməsinin 20-ci ildönümü münasibətilə tədbir keçirilib.

Ulu Öndər Heydər Əliyevin anadan olmasının 100 illiyi münasibətilə Naxçıvan Muxtar Respublikasının Maliyyə Nazirliyi yanında Maliyyə Tədris Mərkəzində muxtar respublikanın büdcə təşkilatlarının mühasibləri üçün keçirilən “Maliyyə hesabatlarının hazırlanmasının nəzəri və praktiki  əsasları”  adlı 3 günlük təlimlərin birinci mərhələsinə yekun vurulub. 

Bu münasibətlə Maliyyə Nazirliyində tədbir keçirilib. Tədbiri giriş sözü ilə açan Naxçıvan Muxtar Respublikasının maliyyə naziri vəzifələrini müvəqqəti icra edən, nazir müavini Həsən İsmayılov  bildirib ki, Naxçıvan İnqilab Komitəsinin 1920-ci il oktyabrın 10-da qəbul etdiyi qərar ilə yaradılan Maliyyə Şöbəsi 1924-cü ilə qədər həmin ad altında fəaliyyət göstərib.



 

6 oktyabr tarixində Maliyyə Tədris Mərkəzində üç gün ərzində keçirilən “Maliyyə hesabatlarının hazırlanmasının nəzəri və praktiki əsasları” mövzusunda təlimə dair biliklərin qiymətləndirilməsi aparılıb. Qiymətləndirilmənin aparılması üçün iştirakçılara 3 saat vaxt ayrılıb.

3 oktyabr 2023-cü il tarixindən etibarən Naxçıvan Muxtar Respublikasının Maliyyə Nazirliyi yanında Maliyyə Tədris Mərkəzində təşkil olunan “Maliyyə hesabatlarının hazırlanmasının nəzəri və praktiki əsasları” adlı üç günlük   təlimlərə start verilib. Təlimin ilk günündə mərkəzləşdirilmiş xərclərdən maliyyələşən  büdcə təşkilatlarının 24 nəfər baş mühasibi iştirak edib.

Naxçıvan Dövlət Universitetinin İqtisadiyyat və idarəetmə fakültəsinin “Mühasibat uçotu və audit” ixtisasında qiyabi şöbə üzrə təhsil alan V kurs tələbələri Naxçıvan Muxtar Respublikası Maliyyə Nazirliyində istehsalat təcrübəsinə cəlb olunub.