Beynəlxalq konqresdə iqtisadçımızın çıxışı maraqla qarşılanıb

Naxçıvan Muxtar Respublikası Maliyyə Nazirliyi yanında Maliyyə Tədris Mərkəzinin direktoru, iqtisadiyyat üzrə fəlsəfə doktoru Sevinc Cabbarova Türkiyənin Marmaris  şəhərində Muğla Sıtkı Koçman Universiteti tərəfindən keçirilən “Turizm və mədəni irs” adlı  Beynəlxalq Konqresdə iştirak edib.
Konqresdə 9 ölkədən, 12 universitetdən 102 nəfər iştirak etmişdir. Dörd gün davam edən tədbirin ölkələrarası turizm və mədəniyyət sahəsinin müzakirəsinə həsr olunan iclaslar təşkil  olunmuşdur. Həmyerlimiz konqresin açılışında çıxış etmiş, daha sonra konqresin bir panelinə sədrlik etmiş, konqresin ikinçi günündə “Azərbaycanda turizm inkişafının sosial-iqtisadi aspektləri və müasir problemləri” adlı məruzə ilə çıxış etmişdir.
Azərbaycanda turizm sahəsinin inkişaf yollarından, muxtar respublikada yaradılan infrastrukturdan və iqtisadi inkişafdan, regionun turizm üçün əlverişli coğrafi şəraitindən, o cümlədən yeni inşa edilən Ağbulaq kəndində Xizək Mərkəzinin  inşasından və dini və tarixi turizm, müalicəvi turizm  potensialından konqres iştirakçılarına ətraflı məlumat vermişdir. Muxtar respublikamızın turizm sahəsində olan  inkişaf haqqında çıxışlar müxtəlif ölkələrdən olan alimlər tərəfindən maraqla qarşılanmışdır.
  • 45
Sosial şəbəkələrdə biz