Gələcəyin mühasibləri üçün təlim keçirilib

Naxçıvan Muxtar Respublikası Maliyyə Nazirliyi yanında Maliyyə Tədris Mərkəzi tərəfindən tələbələr üçün“Büdcə təşkilatlarında praktiki mühasibatlıq” mövzusunda təlim təşkil edilib.
21 may 2019-cu il tarixdə start götürən təlim Naxçıvan Dövlət Universitetinin və Naxçıvan Universitetinin “Mühasibat uçotu və audit” ixtisası üzrə təhsil alan tələbələrini əhatə edib.
Təlim dörd gün, 12 tədris saatı müddətində keçirilib və müvafiq ixtisaslardan 21 tələbə  cəlb edilib.
Təlimin əsas məqsədi  Milli Mühasibat Uçotu Standartlarına əsasən maliyyə-mühasibat işinin aparılması, vergi uçotunun təşkili, maliyyə hesabatlarının hazırlanması, mühasibat uçotu işinin aparılması ilə əlaqədar hüquqi məsuliyyət, xəzinə əməliyyatlarının təşkili və uçotu işlərinin qanunvericiliyin tələblərinə uyğun qurulması, təkmilləşdirilməsi sahəsində tələbələrin praktiki biliklərinin artırılmasıdır.
Təlimlər zamanı məsələ və testlərin həllinə yer ayrılıb, eyni zamanda  iştirakçılara gündəlik işlərində faydalı ola biləcək seçilmiş normativ-hüquqi aktlar toplusu, sənəd formaları və misallar ilə tərtib edilmiş metodik materiallar təqdim olunub.
Qeyd edək ki, təlimin yekununda qiymətləndirilmə mərhələsi keçirilib və yüksək nəticə göstərən 18 tələbəyə  Maliyyə Tədris Mərkəzinin sertifikatları təqdim edilib
  • 18
Sosial şəbəkələrdə biz