Maliyyə Nazirliyində iclas olub



Naxçıvan Muxtar Respublikası Maliyyə Nazirliyində payız-qış mövsümünə hazırlıq və qarşıda duran vəzifələrlə əlaqədar keçirilən iclasda nazir Rafael Əliyev çıxış edərək aidiyyəti üzrə tapşırıqlar verib.  Avqustun 28-də Naxçıvan Muxtar Respublikasında 2021-2022-ci illərin payız-qış mövsümünə hazırlıq və qarşıda duran vəzifələrlə əlaqədar müşavirədə Ali Məclis Sədrinin verdiyi tapşırıqları diqqətə çatdıran maliyyə naziri qeyd edib ki, payız-qış mövsümündə diqqətdə saxlanılacaq birinci məsələ elektrik enerjisi və təbii qaz təchizatıdır. Çünki muxtar respublikada məskunlaşmanın artması, yeni yaşayış məhəllələrinin salınması, sənaye və digər enerji tutumlu müəssisələrin istifadəyə verilməsi elektrik enerjisinə və təbii qaza olan tələbatı ilbəil artırır.
DAVAMI
  • 349

Maliyyə Nazirliyində 2021-ci ilin birinci yarımilində görülmüş işlər və qarşıda duran vəzifələrlə bağlı kollegiya iclası keçirilmişdir


Naxçıvan Muxtar Respublikası Maliyyə Nazirliyində keçirilən iclasda nazir Rafael Əliyev bildirib ki, cari ilin 6 ayında Naxçıvan Muxtar Respublikası dövlət büdcəsinin gəlirləri 62 milyon 916 min 100 manat təyinata qarşı 108,8 faiz icra olunub, büdcəyə nəzərdə tutulandan 5 milyon 549 min 146 manat çox vəsait mədaxil edilib.
Büdcə gəlirlərinin 74,5 faizi və ya 51 milyon 13 min 612 manatı Vergilər Nazirliyi tərəfindən təmin edilmiş vergi və rüsumlardan, 20,9 faizi və ya 14 milyon 274 min 822 manatı Dövlət Gömrük Komitəsi tərəfindən toplanılmış daxilolmalardan, 3,2 faizi və ya 2 milyon 182 min 428 manatı dövlət büdcəsindən maliyyələşdirilən təşkilatların ödənişli xidmətlərindən, 1,4 faizi və ya 994 min 384 manatı isə digər mənbələrdən daxil olub.
DAVAMI
  • 298

“Naxçıvan” Universitetinin tələbələri ilə görüş keçirilib


“Naxçıvan” Universitetində Naxçıvan Muxtar Respublikası Maliyyə Nazirliyinin əməkdaşlarının iştirakı ilə “Büdcə təşkilatlarında mühasibat uçotunun təşkili və aparılması qaydaları” mövzusunda tədbir keçirilib.
Tədbiri giriş sözü ilə açan “Naxçıvan” Universiteti “İdarəetmə” fakültəsinin dekanı Naim Cahidzadə qeyd edib ki, Naxçıvan Muxtar Respublikası Ali Məclisi Sədrinin “Ali və orta ixtisas təhsil müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 3 aprel 2019-cu il tarixli sərəncamından irəli gələn vəzifələrin icrası ilə əlaqədar olaraq müxtəlif qurumlarla tələbələrin vaxtaşırı görüşləri keçirilir. Fakültə üzrə üç ixtisasın hamiliyə verildiyini bildirən dekan, hər ay mütəmadi olaraq belə görüşlərin təşkil edildiyini diqqətə çatdırıb. Tələbələrin nəzəri biliklərlə yanaşı, praktiki biliklər qazanmasında bu cür tədbirlərin önəmini vurğulayıb.
DAVAMI
  • 370

25 illik uğur

“Mənim ayrıca bir fəaliyyət proqramım olmayacaqdır. Fəaliyyətimi görkəmli dövlət xadimi Heydər Əliyevin dövlətçilik proqramının Naxçıvanda dönmədən həyata keçirilməsinə həsr edəcəyəm.”
Vasif TALIBOV, Naxçıvan Muxtar Respublikasının Ali Məclisinin sədri, 16 dekabr 1995-ci il.
16 dekabr 1995-ci il parlamentin sessiyasında cənab Vasif Talıbov Naxçıvan Muxtar Respublikasının Ali Məclisinin sədri seçilmişdir.
DAVAMI
  • 366

Dekabrın 12-si xalqımızın ümummilli lideri, ulu öndər Heydər Əliyevin anım günüdür


Dekabrın 12-si xalqımızın ümummilli lideri, ulu öndər Heydər Əliyevin anım günüdür.
Dünya tarixi sübut etmişdir ki, şəxsiyyətlərin gücü, ağlı, cəsarəti, siyasi iradəsi və müdrikliyi mənsub olduğu xalqın, onun yaratdığı dövlətin həyatında əvəzedilməz rola malikdir. Bu şəxsiyyətlər arasında müasir müstəqil Azərbaycan dövlətinin memarı və qurucusu, ulu öndər Heydər Əliyevin özünəməxsus yeri vardır.


DAVAMI
  • 428

İstilik sistemi olmayan müəssisələr mal-materiallarla təmin olunub



İstilik sistemi olmayan müəssisələrin mal-materiallarla təmin olunması ilə bağlı keçirilən tədbirdə Naxçıvan Muxtar Respublikası Maliyyə nazirinin müavini Həsən İsmayılov çıxış edərək bildirib ki, 2020-ci il avqustun 12-də Naxçıvan Muxtar Respublikasında 2020-2021-ci illərin payız-qış mövsümünə hazırlıq və qarşıda duran vəzifələrlə əlaqədar keçirilən müşavirədə Maliyyə Nazirliyinin qarşısında da bir sıra vəzifələr qoyulub. Muxtar respublikada istilik sistemi olmayan müəssisələrə payız-qış mövsümündə tələb olunan mal-materialın alınması üçün lazımi maliyyə vəsaitinin ayrılmasını təmin etmək, həmçinin dövlət müəssisələrində enerji daşıyıcılarından istifadə zamanı limitə və borc qalığının yaranmamasına nəzarət edilməsi Nazirliyə tapşırılıb.
Həsən İsmayılov Naxçıvan Muxtar Respublikasının istilik sistemi olmayan müəssisələrinin sayı və onların tələbatının müəyyən edildiyini bildirərək muxtar respublikada ardıcıl və sistemli aparılan tikinti quruculuq işləri nəticəsində az sayda müəssisə və təşkilatın qızdırılmasında maye qaz və neft məhsullarından istifadə olunduğunu vurğulayıb.
DAVAMI
  • 468

Naxçıvan Muxtar Respublikası Maliyyə Nazirliyinin yaradılmasının 100 illiyi qeyd olunub


Bu münasibətlə keçirilən tədbirdə Naxçıvan Muxtar Respublikasının Maliyyə naziri Rəfael Əliyev bildirib ki, 100 il bundan əvvəl  Naxçıvan İnqilab Komitəsinin 10 oktyabr 1920-ci il tarixli qərarı ilə Maliyyə Şöbəsi yaradılıb. Bununla da maliyyə sisteminin dövlət tərəfindən tənzimlənməsinin əsası qoyulub.  Sonradan müxtəlif adlarla fəaliyyət göstərən qurum Naxçıvan Muxtar Respublikası Ali Məclisi Sədrinin 1 may 2001-ci il tarixli Fərmanına əsasən  Naxçıvan Muxtar Respublikası Maliyyə Nazirliyi adlandırılıb.
Qeyd olunub ki,  ötən 100 il ərzində Maliyyə Nazirliyi böyük tarixi inkişaf yolu keçib, qurum  hərtərəfli dövlət qayğısı ilə əhatə olunub. 2007-ci ildə istifadəyə verilən nazirliyin inzibati binası 2017-ci ildə müasir şəkildə yenidən təmir olunub, maddi-texniki bazası daha da gücləndirilib.
DAVAMI
  • 444
Sosial şəbəkələrdə biz